हामी सबैकाे संसारन्यूज

१ असार, काठमाडौँ ।बागमती नदी किनारा आसपासको जग्गाको मुआब्जालाई लिएर पछिल्लो समय बढ्दै गइरहेको विवाद समाधानका लागि सरकारलाई हम्मे परिरहेको छ । नदी किनारमा पर्ने जग्गाको क्षतिपूर्ती उपलब्ध गराउन कानुुनी व्यवस्था छैन । मुआब्जा दिन नमिल्ने सरकारी पक्षको दावी र जबर्जस्ती सेना लगाएर नदीको बहाव परिवर्तन गरेकाले मुआब्जा पाउनैपर्ने स्थानीयको मागका कारण २ पक्षबीच विवाद देखिएको हो ।

अहिले बाग्मती सभ्यताका एकीकृत विकास समितिले आयोजना सञ्चालन गर्दा नदी बगेको क्षेत्र र यसको मुआब्जाको विषयमा विवाद मिलाउन सरकारलाई सकस परेको छ । समितिले नदीको बहाव परिवर्तन र नदीभित्र परेको जग्गाको मुआब्जा दिने कि नदिने भन्ने विषयमा विवाद देखिएको स्वीकार गरेको छ । जग्गापीडितसँग विवाद बढे पनि क्षतिपूर्ती दिने अधिकार समितिसँग नभएको समितिले बताएको छ । आइतबारको कारोबार दैनिकबाट