Sansar News
२ असार, दिल्ली । भारतको दक्षिण राज्य तमिलनाडूमा पानीको संकट गहिरिदै गएको छ ।
मानिसहरु ८ किलो मिटर टाढा पुग्दा पनि पानी नपाउने अवस्था आएको छ भने ६५ प्रतिशत होटल तथा आइटी कम्पनीहरु पानी नभएकै कारण प्रभावित छन् ।
पानीका श्रोतहरु सुक्दै गएको र मनसुन अझै सुरुवात हुन नसेकेको अवस्थामा त्यहाँका जनता पानीकै कारण ठूलो समस्या भोगिरहेका छन् ।
पानीको संकट बढ्दै जाँदा चेन्नाईको विभिन्न सहरमा मानिसहरुबीच झडप भइरहेको समाचारहरु प्राप्त भइरहेका छन् । मानिसहरु पानी लिनका लागि ८ किलोमिटर भन्दा बढीको टाढा पुग्ने गरेको पनि बिबिसीमा समाचार छ ।
होटल संचालकहरुको एसोसियनसका अनुसार पानी यति महँगो भएको छ कि, यसले व्यवसाय नै प्रभावित बनाएको छ ।
केही दिन पहिलो तमिलनाडुको थंजावुरमा सार्वजनिक टंकीमा रहेको सिमित पानी लिनका लागि भएको एक झगडामा आनन्द बाबु नामका सामाजिक कार्यकर्ताको हत्या भएको थियो ।
वि.सं.२०७६ असार २ सोमवार ०८:२६ मा प्रकाशित
