हामी सबैकाे संसारन्यूज

३ असार, बझाङ । सोमबार दिउँसो बझाङमा भएको जिप दुर्घटनामा परि १० जनाको मृत्यु भएको छ ।

सदरमुकाम चैनपुर नजीकै रहेको डुङरीबाट मष्टा गाउँपालिका जाँदै गरेको से १ ज १०७२ नंको जीप वडा नं १ डौँठी भन्ने ठाउँमा सोमबार २ः४५ मा दुर्घटना हुँदा १० जनाको मृत्यु हुनुका साथै पाँच घाईते भएका छन् ।

मृत्यु हुनेमा सबै मस्टा गाउँपालिका वडा नं १ का स्थानीय रहेका छन् । जसमा एकैपरिवारका ३ जनाको मृत्यु भएको छ । मृत्यु हुनेमा एकै परिवारका ४० वर्षीय कलक खड्का उनकी श्रीमती ३८ वर्षीया जुनधारा खड्का र उनका छोरा १५ वर्षीय सरोज खड्का रहेका छन् । त्यस्तै सोहि वडाका २२ वर्षीय सुरेन्द्र थापा (चालक), ७२ वर्षीया जुना खड्का, ८ वर्षीया विपना खड्का, ३५ वर्षीया लक्ष्मी दुवाल, ३० वर्षे भक्त दुवाल, ५२ वर्षीया धौली खड्का र १९ वर्षीय हिक्मत खड्का रहेका रहेको जिल्ला प्रहरी कार्यालय बझाङले जानकारी दिएको छ ।

त्यस्तै दुर्घटनामा घाईते भएका मष्टा गाउँपालिका १ र्की १४ वर्षीया संगीता खड्का, गोकुल शाही, जनक दुवाल, अनिता दुवाल र गणेश खड्का रहेका छन् । उनीहरु ३ जनालई हेलिकप्टरबाट उद्धार गरी नेपालगन्ज मेडिकलमा लगिएको र अन्य २ जनाको जिल्ला अस्पताल चैनपुर बजारमा उपचार भइरहेको पनि प्रहरीले जनाएको छ ।

साँघुरो बाटो, ७ जना अट्ने जीपमा १५ जना र समान पनि लोड गरिएकोले ओभरलोड भएर दुर्घटना भएको बताइएको छ ।