हामी सबैकाे संसारन्यूज

३ असार, काठमाण्डौं । भूमी, सहकारी तथा गरिबी निवारण मन्त्री पद्मा अर्यालले गुठी विधेयक फिर्ता लिइएको जानकारी दिएकी छन् ।

बैशाख १७ गते राष्ट्रियसभामा दर्ता भएको ‘गुठीसम्बन्धी कानुनलाई एकीकरण र संशोधन गर्न बनेको विधेयक, २०७५’ फिर्ता लिने सरकारले निर्णय गरेको मन्त्रालयद्धारा मंगलबार आयोजित पत्रकार सम्मेलनमा जानकारी दिइएको हो ।

‘उक्त विधेयकलाई लिएर आदरणीय जनसमुदायमा विभिन्न किसिमका भ्रम सिर्जना गर्ने, उत्तेजित पार्ने र वातावरणलाई विथोल्ने कोशिष भएकोले सम्बन्धीत सरोकारवालाहरुसँगको थप छलफल र परामर्श गर्न आवस्यक देखिएको हुँदा राष्ट्रिय सभामा पेश भएको उक्त विधेयक फिर्ता लिने निर्णय गर्दछु ।’ मन्त्रालयद्धारा जारी विज्ञप्तिमा भनिएको छ ।