३ असार, काठमाण्डौं । हुम्लाको खार्पुनाथ गाउँपालिकामा जिप दुर्घटनामा परेर कर्णाली नदीमा बेपत्ता हुने ५ जनाको पहिचान खुलेको छ ।

मंगलबार दिउँसो खार्पु गाउँपालिकाको केन्द्र याङचुका लागि हिडेको जिप कैलावालुमा दुर्घटना हुँदा कर्णाली नदीमा वेपत्ता हुनेमा खार्पुनाथ गाउँपालिकाकी उपाध्यक्ष शिन्धु शाही हमाल, उनका भाई चन्द्र हमाल, जिप चालक मणीजंग शाही, बसन्ती शाही र डुकु भनिने नैनसिंह भण्डारी उक्त दुर्घटनामा बेपत्ता भएको जिल्ला प्रशासन कार्यालयका प्रमुख जिल्ला अधिकारी धौलकराज ढकालले संसारन्युजलाई जानकारी दिएका छन् ।

‘अहिले पाँचजनाको पहिचान खुलेको छ, जिपमा कति थिए भन्ने अझै थाहा हुन सकेको छैन, जिवितै उद्धार गर्न सकिने सम्भावना एकदमै कम छ ।’ सिडियो ढकालले भने ।

उनका अनुसार उद्धारका लागि नेपाली सेनाका १२ जना गोताखोर, नेपाल प्रहरीका ५ जना र शसस्त्रका पाँचजना प्रहरी परिचालन गरिए पनि उद्धारका लागि कठिनाई भएको छ भने जिपको नामोनिसान कतै देखिएको छैन ।

‘उद्धार कार्यमा लागेका छौं वर्षाको बेला, कर्णालीको पानी साह्रै चिसो माइनस ३ छ गोताखोरलाई पनि गाह्रो भइरहेको छ ।’ उनले भने ।

थप विवरण आउन बाँकी

कर्णाली नदीमा जिप खस्यो, गाउँपालिकाका उपाध्यक्षसहित सबै वेपत्ता