हामी सबैकाे संसारन्यूज

३ असार, काठमाण्डौं । प्रधानमन्त्री केपी शर्मा ओलीले संसदमा अत्यन्तै असंसदिय र अर्मादित व्यवहार भएको बताएका छन् ।

मंगलबारको प्रतिनिधि सभाको बैठकमा आफ्नो सम्बोधनका क्रममा प्रतिपक्षी दल कांग्रेसले आफूलाई बोल्न नदिएर अमर्यादित व्यवहार गरेको सिंहदरबारस्थित प्रधानमन्त्रीको कार्यालयमा आयोजित पत्रकार सम्मेलनमा बताएका छन् ।

प्रधानमन्त्रीले संसदमा बोल्न नपाएर पत्रकार सम्मेलन गरेको नभई जनचासोका विषयलाई सम्बोधन गर्नका लागि पत्रकार सम्मेलन गरेको पनि बताएका छन् ।

यस्तो व्यवहारले अकारण संसद स्थगित हुने अवस्था बनेको भन्दै प्रधानमन्त्रीले दुनियाको लोकतान्त्रिक अभ्यासमा, लोकतान्त्रिक प्रणालीमा प्रधानमन्त्रीले समसामयिक विषयमा आवश्यक परेको बेला संसदलाई विभिन्न विषयमा सरकारका दृष्टिकोणबारे जानकारी गराउने अभ्यास हुने बताउँदै प्रधानमन्त्री भन्दा आफूले पहिले बोल्न पाउनुपर्छ भनेर बालहठ लोकतन्त्रमा कहि पनि नहुने बताए ।

‘तर, आश्चर्य लाग्दो गरी आज अगाडि देखि तय भएको प्रधानमन्त्रीले बोल्ने ११ बजेको समयमा पहिले आफूले बोल्न पाउनु पर्छ भनेर नेपाली कांग्रेसले अड्डि लियो,’ प्रधानमन्त्रीले भने ।

‘लोकतान्त्रिक अभ्यासमा पहिले प्रधानमन्त्रीले त्यसपछि विपक्षी दलको नेताले बोल्ने विश्व व्यापी प्रचलन रहेको हुन्छ, तर हरेक क्षेत्रमा निहुँ खोज्ने त्यस उद्धेश्य अन्तर्गत मेरा लामो समयदेखिका लोकतान्त्रि आन्दोलनमा मीत्र शेर बहादुर देउवाजी आफैले नेतृत्व गरेर प्रधानमन्त्रीले होइन, मैले बोल्न पाउनुपर्छ भनेर रोष्ट्रम घेराउ गर्न आउनु भयो ।’ रोष प्रकट गर्दै प्रधानमन्त्रीले भने ।

त्यस्तै प्रधानमन्त्रीले युरोप भ्रमणका क्रममा भएका उपलब्धि बारे बताएका थिए ।
गुठी विधेयकका विषयमा प्रधानमन्त्रीले स्याउलामा एउटा हर्यौ होइन, हजारौ हर्यौ बसेर उकासेर भड्काउने काम गरेको भन्दै कटाक्षा गरेका थिए ।

त्यस्तै मिडियाका विषयमा बोल्दै प्रधानमन्त्रीले केहि ठूला मिडिया र संस्कृति विद्हरुले पनि सामाजिक संजालको प्रयोग गरेर गरिएको नकरात्मक कुरा र टिका टिप्पणी गरिएको भन्दै आपत्ति जनाएका थिए ।