हामी सबैकाे संसारन्यूज

४ असार, काठमाडौँ । प्रधानमन्त्री केपी ओलीले प्रतिपक्षी कांग्रेसले संसदमा अमर्यादित व्यवहार देखाएको आरोप लगाएका छन् । ओलीले भने,‘लोकतन्त्रमा प्रधानमन्त्रीले संसद्मा बोल्ने समय मागेका बेला बोल्न नदिने र प्रधानमन्त्रीभन्दा पहिले आफूले बोल्न पाउनुपर्छ भनेर अड्डी लिनु कांग्रेसको निहुँ खोज्ने बहानामात्र हो ।’संसद्मा समसामयिक विषयमा सम्बोधन गर्ने तयारीमा रहेका बेला कांग्रेसले अवरोध गरेको थियो त्यसपछि प्रधानमन्त्री ओलीले साँझ आफ्नै कार्यालय सिंहदरबारमा पत्रकार सम्मेलन गरी लोकतन्त्रमा कांग्रेसले लिएजस्तो बालहठ कहीं पनि नहुने टिप्पणी गरेका हुन् । ‘ प्रधानमन्त्रीले समसामयिक विषयमा संसद्लाई सरकारको दृष्टिकोण र विभिन्न निर्णयबारे जानकारी गराउने अभ्यास संसारमा हुन्छ ।प्रधानमन्त्रीले लिएको समयमा बोल्न नदिने र पहिले आफूले बोल्नुपर्छ भन्ने बालहठ लोकतन्त्रमा कहीं पनि हुन्न,’ प्रधानमन्त्री ओलीले भने । बुधबारको अन्नपूर्ण पोस्टबाट