हामी सबैकाे संसारन्यूज

४ असार, काठमाण्डौं । विश्वकप क्रिकेटमा मंगलबार भएको खेलमा आयोजक राष्ट्र इङल्याण्डद्धारा अफगानिस्तान फराकिलो अन्तरले पराजित भएको छ ।

अफगानिस्तानलाई १५० रनले हराउँदै इङल्याण्ड अंकतालिकाको शिर्ष स्थानमा पुग्न सफल भएको छ ।

टस जितेर पहिलो ब्याटिङ गरेको इङल्याण्डले ५० ओभरमा ६ विकेटको क्षतिसँगै ३९७ रनको ठूलो लक्ष्य अफगानिस्तानलाई दिएको थियो ।

सर्वाधिक छक्का प्रहार गर्ने खेलाडि विश्व रेर्कड बनाएका इयान मोर्गनले ७१ बलमा १४८ रन को योगदान दिँदै किर्तिमानी ब्याटिङ गरे । उनले मंगलबारको खेलमा १७ छक्का र ४ चौका प्रहार गरेका थिए । कप्तान मोर्गन र रुटले १८९ रनको उच्च साझेदारी बनाउन सफल भएका थिए ।

त्यसैगरी अफगानिस्तानले ५० ओभरमा ८ विकेट गुमाउँदै २४७ रन ल्याउन सफल भएको थियो । अफगानिस्तानका हसम तुल्लाह साहिदीले ७६ रन बनाएका थिए ।

त्यस्तै कप्तान गुलावदिन नैबले ३७ र रहमत साहले ४६ रन बनाएर आउट भएका थिए ।
इङल्याण्डसँगको हारसहित लगातार पाँचौ हार व्यहोरेको अफगानिस्तान प्रतियोगिताबाट बाहिरीने सम्भावना प्रवल देखिन्छ । अफगानिस्तान खेल तालिकाको पुछारमा पुगेको छ ।