हामी सबैकाे संसारन्यूज

५ असार, काठमाडौँ । त्रिभुवन विश्वविद्यालयमा उत्कृष्ट विद्यार्थीलाई दिइने ‘ गोल्ड मेडल ’ खरिद– बिक्रि हुने गरेको पाइएको छ । गोल्ड मेडल खरिद– बिक्रिमा संलग्न त्रिविका एक कर्मचारी र विद्यार्थीलाई पक्राउ गरी अख्तियार दुरुपयोग अनुसन्धान आयोगले छानबिन थालेको छ ।
परीक्षा नियन्त्रण कार्यालय बल्खुको गोप्य शाखाका प्रमुख रामु कर्माचार्य र विद्यार्थी सुरेन्द्र कोइरालालाई आयोगले पक्राउ गरेको हो । पाटन क्याम्पसमा अर्थशास्त्र विषयमा स्नातकोत्तर तहमा अध्ययनरत कोइराला पेसाले अधिवक्ता हुन् । आफूलाई ‘ गोल्ड मेडलिस्ट’ बन्ने रहरमा उनले कर्मचारी कर्माचार्यासँग आर्थिक ‘डिल’ गरेका थिए । परीक्षा नियन्त्रण बल्खुले लिने परीक्षामा चलखेल गर्ने कर्मचारी कर्माचार्यासहित दुईजनालाई पक्राउ गरिएको आयोगका प्रवक्ता प्रदीपकुमार कोइरालाले बताए । बिहीबारको नयाँ पत्रिकाबाट