Sansar News
५ असार, काठमाण्डौं । सामाजिक संजाल फेसबुकले २०२० भित्रै लिब्रा (Libra) नामक क्रप्टो करेन्सी ल्याउँदै छ । फेसबुकले मास्टर कार्ड, पेपाल, भिसा र उवेर सँग सहकार्य गरेर क्रप्टो करेन्सी ल्याउन लागेको बताइएको छ ।
फेसबुकका अनुसार लिब्रा अहिलेको कृप्टो करेन्सीभन्दा भिन्न हुनेछ किनकि लिब्रा सम्पति अथवा पैसाकै रुपमा फिर्ता हुनेछ ।
बिट क्वाइन पैसा स्टोर भएर बस्छ भने लिब्रा चाहि दैनिक खर्चका लागि प्रयोग हुने हुनाले यो सामान्य मानिसको उपयोगमा आउने फेसबुकको विश्वास छ ।
यसले कसरी काम गर्छ त ?
सर्बप्रथम डलर डिजिटल लिब्रामा परिणत हुन्छ । जुन यहि डिजिटल क्यालिब्रा वालेटमा फ्रिमा जम्मा हुनेछ ।
तै पनि जब मानिसले आफ्नो डलर दिएपछि मनमा पहिलो प्रश्न यो हुने छ कि, हाम्रो डलरको सुरक्षा र जिम्मा कसले लिनेछ भनेर ? लिब्राका लागि बैंकसँग सहकार्य नभई अन्य फाइनान्सीयल कम्पनी जस्तै पेपाल, मास्टरकार्ड, भिसा कार्ड हुनेछन् । त्यसैले लिप्रा एसोसियसन भनिने गैर लाभकारी संस्थाले तुरुन्तै मौद्रिक प्राधिकरणका रुपमा सेवा गर्नेछ ।
लिब्राको मुख्य लक्ष्य अन्तराष्ट्रिय मुद्राहरु जसले भौतिक सीमाहरु र राजनीतिक सीमाहरु मेटाउने बताइएको छ । जसले बिश्वभरमा तुरुन्तै पठाउन र तुरुन्तै प्राप्त गर्न अनुमति दिन्छ ।
वि.सं.२०७६ असार ५ बिहीवार ०८:२० मा प्रकाशित
