हामी सबैकाे संसारन्यूज

८ असार, प्युठान । जिल्ला स्वास्थ्य कार्यालय प्युठान मातहतका स्वास्थ्य चौकीमा म्यानद गुज्रेका औषधि पठाएको छ ।

नौबहिनी गाउँपालिका ८ स्थित फोप्ली स्वास्थ्य चौकीमा सुत्केरीको रक्तश्राव रोक्न प्रयोग गरिने अक्सिटोसिन इन्जेक्सन म्याद गुज्रिसकेको अवस्थामा आइपुगेको स्वास्थ्य चौकीका प्रमुख विनोद शाहले बताए । ‘३० एमपुल इन्जेक्सनको म्याद नाघेको थियो,’ उनले भने, ‘स्वास्थ्य कार्यालयबाट आएका औषधि गाउँपालिकामा एक महिना स्टोर भएछ ।’ गाउँपालिकाले समयमा औषधि नपठाउँदा औषधिको म्याद नाघेको उनले बताए ।

यसै विषयमा गाउँपालिकाले म्याद गुज्रेको औषधि स्वास्थ्य चौकी पुग्नुमा जिल्ला स्वास्थ्य कार्यालय र गाउँपालिकाले एकअर्कामा दोषारोपण गरेका छन् । स्वास्थ्य कार्यालय प्युठानका प्रमुख विशाल सुवेदीले स्थानीयतहले ढुवानीमा ढिलाई गरेका कारण म्याद गुज्रिएको बताए । आइतबारको नयाँपत्रिका दैनिकबाट