हामी सबैकाे संसारन्यूज

८ असार, तानसेन । कोही ओछ्यानबाट उठ्नै सक्दैनन् । कसैको आँखा त कसैको कसैको कानमा समस्या छ । मानसिक अवस्था ठीक छैन । बोही बोल्न सक्दैनन् । कसैको कम्मरमुनिको भाग चल्दैन ।
कतिपय दाम्लोमा बाँधिएका छन् त कति कष्टपूर्ण जीवन बिताइरहेका छन् । रिब्दीकोट गाउँपालिका ख्याहास्थित जोगीथुमको कुमालबस्तीका अधिकांश बालबालिकाको समस्या हो यो । ७० घरपरिवार रहेको विभिन्न बस्तीमा अधिकांश घरमा तीनदेखि पाँच जनासम्म अपांगता भएका व्यक्ति छन् । विपन्नताका कारण उनीहरु रोगको उपचार गराउन सक्दैनन् ।
गाउँमा धेरै अपांगता भएका व्यक्ति भएपछि सबलांग चिन्तित छन् । कसैले देउता रिसाए भन्छन्, कोही पितृ रिसाएको बताउँछन् । बोक्सी लागेर दुःख दिएको भन्नेहरु पनि छन् । गाउँ नै अन्धविश्वासमा रुमल्ल्एिका कारण उनीहरुको समस्या जटिल बनेको हो । आइतबारको अन्नपूर्ण पोस्टबाट