Sansar News
८ असार, पोर्चुगल । पत्रकार एवं साहित्यकार केजिन राई पोर्चुगलमा सम्मानित भएका छन् ।
नेपाल पत्रकार महासंघ युरोपका अध्यक्ष, अन्तराष्ट्रिय नेपाली साहित्य समाजका संस्थापक अध्यक्ष समेत रहेका राईलाई नेपाली भाषा साहित्य, कला, संस्कृतिको अन्तराष्ट्रियरुपमा सम्बद्र्धन र प्रवद्र्धन गर्नमा महत्वपूर्ण भूमिका निभाएकोमा उक्त सम्मान गरिएको हो ।
नेपाल पत्रकार महासंघका केन्द्रीय अध्यक्ष गोबिन्द आचार्य, अन्तराष्ट्रिय नेपाली साहित्य समाज पोर्चुगलका कार्यबाहक अध्यक्ष कृष्ण कँडेल र महासचिव विनोद प्रसाद धिमालले राईलाई सम्मान गरेका हुन् ।
ऐक्यबद्धता मासिक तथा संसान्युज डटकमका बेल्जियमबाट संयोजन सल्लाहकार समेत रहेका राईले सन् २००३ मा अन्तराष्ट्रिय नेपाली साहित्य समाज पोर्चुगलको गठन गरेका थिए ।
वि.सं.२०७६ असार ८ आइतवार १५:३४ मा प्रकाशित
