हामी सबैकाे संसारन्यूज

गैरआवासीय नेपाली सोसल क्लब ओमान पाँचौ अधिबेशन सेवन्त पुर्जा पुनलाई अध्यक्षमा चयन गर्दै सम्पन्न भएको छ ।

जुन १८ मा सम्पन्न भएको उक्त अधिबेशनले क्लवको प्रथमउपाध्यक्ष्यमा पुर्ण बहादुर श्रेष्ठ, द्धितीय उपाध्यक्षमा विकल झा, महासचिवमा रविन शिल्पकार, सचिवमा भरत अधिकारी, कोषाध्यक्षमा महेश चौधरी, सहकोषाध्यक्षमा रामहरी गिरी, प्रवक्तामा राम कुमार तामाङ, युवा संयोजक फुर्वा लामा, महिला संयोजकमा रुपा कार्कीलाई चयन गरेको छ ।

त्यस्तै क्लवको सदस्यहरुमा टेकाराम विश्वकर्मा, ललित बास्तोला,लक्ष्मी प्रसाद कोइराला, कुल बहादुर श्रेष्ठ, महेन्द्र तिवारी, राम थोकर तामाङ, सुरेश खडका, सुनु तामाङ, नरेन्द्र बराल, अर्जुन प्रसाद पौडेल र सुसन श्रेष्ठ रहेका छन् । साथै प्रमुख संरक्षकमा दिपक श्रेष्ठ र आइसीसी सदस्यमा अजय यादब रहेका छन् ।

ओमानको राजधानी मस्कटस्थित अल फलाज होटल दार्सेटमा ओमानका लागि नेपाली राजदूत शर्मिला पराजुली ढकालको प्रमुख आतिथ्यता, निवर्तमान अध्यक्ष दिपक श्रेष्ठको सभापतित्व, तथा गैरआवासीय नेपाली संघका अध्यक्ष भवन भट्ट, उपाध्यक्ष कुमार पन्त, कुल आचार्य, महासचिव डा. बद्री केसी, सचिव डि बी क्षेत्री, गल्फ संयोजक आरके शर्मा, एनआरएनए एसिया प्यासिफिक संयोजक किरणविक्रम थापा, अमेरिका क्षेत्रीय संयोजक गौरीराज जोशी, एन आर एन मध्यपूर्व सहसंयोजक प्रविन गुुरुङ र गोपाल कँडेल, एनआरएनए यूकेका अध्यक्ष योगकुमार फगामी, एनआरएनए बेल्जियमका अध्यक्ष लोकप्रसाद दाहाल, एनआरएनए यूएईका अध्यक्ष रमेश श्रेष्ठ सहित विश्वभरिका एनआरएन अगुवाहरुको आतिथ्यता रहेको थियो ।

उक्त अवसरमा नवगठित कार्यसमितिका पदाधिकारीहरुलाई केन्द्रीय अध्यक्ष भवन भट्टले सपथग्रहण गराएका थिए ।