हामी सबैकाे संसारन्यूज

गैरआवासीय नेपाली संघ एनआरएनए अष्ट्रियाको महासचिवमा भवानी तिवारीले उम्मेदवारी दिएकी छन् ।

एनआरएनए अष्ट्रियाकी महिला संयोजक रहेर संस्थामा सक्रिय रुपमा काम गरेकी तिवारीले आगामी २०१९–०२१ का लागि महासचिवमा आफ्नो उम्मेदवारी घोषणा गरेकी हुन् ।

‘अष्ट्रियामा बसोबास गर्ने नेपालीहरुको सामाजिक, सांस्कृतिक बिकास र संघलाई अझ सुदृढ र संगठित बनाउने उदेश्यका साथ तपाँईहरुको माझमा २०१९–२०२१ कार्यकालको निम्ति उम्मेदवारको रुपमा उपस्थित भएकी छु ।’ महासचिवमा आफ्नो उम्मेदवारी घोषणा गर्दै तिवारीले भनेकी छन् ।

महासचिवमा आफ्नो उम्मदेवारी घोषणाका गर्दैै तिवारीले भनेकी छन् ‘सन् २०१२ मा अष्ट्रिया प्रवेश गरेदेखि नै स–परिवार भियन्नामा बस्दै आएकी छु भन्ने यहाँहरुलाई अवगत भएकै कुरो हो । सानै उमेर देखि सामाजिक गतिविधिहरुमा अत्यधिक चासो बोकेकी म अष्ट्रियाको हाम्रो सानो र सुन्दर समाजको सामाजिक गतिविधिहरुमा शुरुवाती दिनहरुदेखिनै प्रत्यक्ष,अप्रत्यक्ष सहभागी रहँदै आएकी थिएँ । गत २०१७ मा मलाई एनआरएनए अष्ट्रियाको महिला संयोजकको रुपमा यहाँहरुले निर्विरोध निर्वा्चित गरि समाज सेवा गर्ने मेरो असिम चाहनाको लागि मार्ग खोलिदिनुभएको भुलेकी छैन । आफ्नो जिम्मेवारी निभाउने क्रममा मलाई यहाँहरुको सदैव साथ र सहयोग रहँदै आएको छ । २०१७–२०१९ कार्यकालमा यहाँहरुबाट प्राप्त सहयोग र हौसलाले मलाई गैरआवासीय नेपाली संघमा आवद्ध रही पुन काम गर्ने प्रेरणा मिलेको छ ।
अष्ट्रियामा बसोबास गर्ने नेपालीहरुको सामाजिक, सांस्कृतिक बिकास र संघलाई अझ सुदृढ र संगठित बनाउने उदेश्यका साथ तपाँईहरुको माझमा २०१९–२०२१ कार्यकालको निम्ति उम्मेदवारको रुपमा उपस्थित भएकी छु ।

निस्वार्थ र सकारात्मक काम गर्ने भावनामा यहाँहरुको सधैं सहयोग र विश्वास रहने आशाको साथ आगामी दिनमा ल्च्ल्ब् को विधी र विधानको परिधीमा रही अष्ट्रियाबासी गैरआवासीय नेपालीहरुको हितमा सशक्त भएर लाग्ने प्रतिवद्धता जाहेर गर्दै NRNA अष्ट्रियाको आउँदो २ वर्षे कार्यकालको निम्ति महासचिवको रुपमा जिम्मेवारी सम्हाल्ने मेरो चाहना रहेको जानकारी गराउँदछु । आशा गरेकी छु मेरो यो निर्णयमा यहाँहरुको साथ पाउने छु र आफ्नो अमूल्य मत दिई मलाई आफ्नो भिजन पूर्णरुपमा प्रयोग गर्ने र अष्ट्रियाबासी नेपालीहरुको भलाईको निम्ति काम गर्ने अवसर पुन प्रदान गर्नु हुनेछ ।

आउँदो कार्यकालमा निम्न कार्यहरु गर्ने मेरो प्रयास रहने छ यद्दपि त्यतिमा नै सिमित रहने भने छैन ।

१-संघको दुई बर्षे कार्ययोजना बनाई NRNA अष्ट्रियालाई विश्व एनआरएनए जगतमा एउटा संगठित र मजबुत एनसीसीको रुपमा चिनाउने खालका कार्यक्रमहरुको आयोजना गर्ने ।

२-NRNA-ICC  ले अघि बढाएको SKI (Skill Knowledge and Innovation) प्रोजेक्ट–शिप, ज्ञान र नवीनता) दुरगामी प्रोजेक्ट हो । यो प्रोजेक्टले निश्चयनै हाम्रो देश नेपाललाई कालान्तरमा फाइदा पुर्याउने छ । हाम्रो कर्मथलो अष्ट्रियामा पनि गैर आवासीय नेपालीहरु माँझ यस्ता बिज्ञहरुको पहिचान गरि वहाँहरुको शिप र ज्ञानलाइ नेपालको सामाजिक र आर्थिक रुपान्तरणमा सहयोगीको रुपमा प्रयोगमा ल्याउन NRNA-ICC मार्फत समन्वयकारी भूमिका खेल्ने सक्दो प्रयास मेरो रहने छ ।

३-स्थानीय स्तरमा भैपरी आउने समस्या साथै अप्रत्यासित घटनाहरुको अवस्थामा पीडितलाई तुरुन्तै राहत प्रदान गर्न सक्ने गरी अन्य नेपाली सामाजिक संघ संस्था र अष्ट्रियाका अन्य संघ संस्था र निकायहरुसँग समन्वय गरी एनआरएनएको आफ्नै अक्षय कोषको स्थापना गर्ने र यसलाई संचालन र बिकसित गर्न नियमावली बनाई नेपालीहरुको भलाईको निम्ति प्रयोग गर्ने ।

४-रोजगारी हाम्रो परम आवश्यकता हो । प्रतिष्ठित नेपाली लगानीकर्ताहरुले युरोपको बिभिन्न देशहरुमा लगानी गरि ब्यापार व्यवसाय गरि रहेका छन् र प्रत्यक्षरुपमा नेपालीहरुलाई रोजगार प्रदान गरेका छन् । तर, अष्ट्रिया अहिलेसम्म वहाँहरुको नजरमा पर्न सकेको छैन र वहाँहरुलाई अष्ट्रियामा लगानी गर्न प्रोत्साहित गरि नेपालीहरुलाई लाभान्वित गराउने मेरो हर प्रयास रहने छ ।

५- महिला फोरम अष्ट्रिया संगठित रुपमा अघि बढिरहेको र विश्व एनआरएनए जगतमा छुट्टै छाप बनाउन सफल भएको यहाँहरुलाई अवगत भएकै हो । नव निर्वाचित हुने महिला संयोजक र सह(संयोजकसँग समन्वय गर्ने र अझ सक्रिय रुपमा महिला फोरमको गतिविधिहरु संचालन गर्न मेरो हर सहयोग रहने छ ।

६ -अष्ट्रियाबासी नेपाली युवाहरुलाई सक्रिय बनाउने खालका कार्यक्रमहरुलाई प्राथमिकता दिने । यसको निम्ति नव निर्वा्चित हुने युवा संयोजक र सहसंयोजक संग समन्वय गरि कार्य तर्जुमा गर्ने ।

७- दोश्रो पुस्ता एनआरएनए (वालवालिका ) हरुलाई नेपालसँग जोडी राख्ने खालका कार्यक्रमहरु जस्तै भाषा, साहित्य, कला, संस्कृति लगायत खेलकुदमा प्रोत्साहित गर्ने कार्यक्रमहरुको आयोजना गर्ने ।

८ -अष्ट्रियामा गठन भएका क्षेत्रीय समन्वय परिषदहरु LCC सँग निरन्तर समन्वयमा रहने र क्षेत्रीय स्तरमा पनि गतिविधिहरु सक्रिय रुपमा अघि बढाउने ।

९–राष्ट्रिय तथा अन्तरराष्ट्रिय समन्वय परिषदसँग निरन्तर सहकार्य गरी संघको ’’नेपालीको लागि नेपाली’’ भन्ने उद्देश्य प्राप्तीमा सहयोग गर्न भूमिका खेल्ने यसको वावजुद यहाँहरुको सल्लाह सुझावको निम्ति सदैव मेरो अपेक्षा रहने छ र यहाँहरुबाट प्राप्त सल्लाह सुझावहरुको आधारमा कार्ययोजना बनाई त्यसलाई संघको योजनामा परिणत गर्ने मेरो प्रयास रहने छ ।’ धन्यवाद

भवानी तिवारी

Candidate for GENERAL SECRETARY

NRNA-NCC Austria – 2019 -2021