हामी सबैकाे संसारन्यूज

२६ असार, काठमाडौँ । विपक्षीको अवरोधकै बीच संसद्मा आर्थिक वर्ष २०७६ \०७७ को बजेट पारित गर्ने औपचारिक प्रक्रिया टुंग्याइएको छ । प्रतिनिधिसभाको बुधबारको बैठकमा राष्ट्रिय सभाबाट बजेटसम्बन्धी ४ विद्येयक पारित भएको सन्देश सुनाइयो । पारित बजेट राष्ट्रपतिबाट प्रमाणीकरण भएपछि कार्यान्वयनको बाटो खुल्नेछ ।
प्रमुख प्रतिपक्ष नेपाली कांग्रेस र विपक्षी राष्ट्रिय जनता पार्टीले सर्लाहीमा भएका मृत्युका दुई घटनाको संसदीय छानबिन माग्दै मंगलबारबाटै अवरोध गरिरहेका थिए । बुधबार पनि बैठक सुरु हुनेबित्तिकै उनीहरुले रोस्ट्रमअगाडि नाराबाजी गरे । त्यही समयमा सभामुख कृष्णबहादुर महराले राष्ट्रिय सभाबाट पारित सन्देश जानकारी गराउन प्रतिनिधिसभा सचिव गोपालनाथ योगीलाई समय दिए । योगीले विनियोजन विद्येयक –०७६, आर्थिक विद्येयक–०७६, राष्ट्र ऋण उठाउने विल्ेयक –०७६ ऋण तथा जमानत (२३ आंै संशोधन) विद्येयक राष्ट्रिय सभाबाट पारित भएको सन्देश सुनाएका थिए । त्यसपछि सभामुखले ३० गतेसम्मका लागि बैठक स्थगित गरे । बिहीबारको कान्तिपुर दैनिकबाट