२६ असार, काठमाण्डौ। विहे गरेको दुई वर्षमै अभिनेत्री सिल्पा पोखरेलले श्रीमानले आफूमाथि हिंसा गरेको भन्दै प्रहरीमा उजुरी दिन पुगेकी छन् ।
फिल्म निर्माता छवि ओझाकी चौथी श्रीमतीको रुपमा भित्रिएकी अभिनेत्री सिल्पा पोखरेल सोमबार महानगरीय प्रहरी परिसर काठमाडौं श्रीमान छवि ओझाबाट घरेलु हिंसा भएको भन्दै उजुरी दिन पुगेकी हुन् ।
श्रोतका अनुसार दुई वर्ष अघि मात्र विहे बन्धनमा बाँधिएका अभिनेत्री पोखरेल छवि ओझाद्धारा गरिएको घरेलु हिंसामा परेको तथा उनको कुटाईबाट बाँया कानमा समस्या आएको र उनी डिप्रेसनमा समेत परेको बताइएको छ ।
उता ओझामाथि प्रहरीद्धारा गरिएको सोधपुछमा ओझाले सामान्य झगडामा शिल्पाले असार ८ गते घर छोडेर हिडेको बताएका छन् ।
अभिनेत्री पोखरेललाई फिल्म क्षेत्रमा छवि ओझाले नै ल्याएका थिए । अभिनेत्री पोखरेल ओझाकी चौथी श्रीमतीको रुपमा भित्रिएकी थिइन् । ओझाकी तेश्री श्रीमतीको रुपमा नायिका रेखा थापा थिइन् । उनले ओझासँग सम्बन्ध बिच्छेद गरेपछि पोखरेल, ओझाको जीवनमा आएकी थिइन् ।
