हामी सबैकाे संसारन्यूज

मूलासरी मान्छेपनि, सत्र हजार काटे बरै,
बानेश्वरको जग्गा पनि, दर्तागरी चाटे बरै ।

जनताले भोट दिए, केकन पो गर्लान भनी,
कैले फेरि गूठी पनि, निल्न आँफै आँटे बरै ।

वाईड्बडी काण्ड पनि, घटाएर यीनैले नै,
राजस्वको ठूलो हिस्सा, कुम्ल्याएर ढाँटे बरै ।

सुबिधाको बाहनामा, सातपुस्तालाई सोच छ,
जनताको खानापाक्ने पो, कराई छ माटे बरै ।

आँफ्नो स्वार्थ पूरा भए, दुई पार्टी हुन्छन एक,
पछि स्वार्थ नमिलेमा, आँफ्से–आँफ फाटे बरै ।

खुबी भने छैन रैछ, देश उँभो लगाउँने त,
नेता भन्नै नसुहाउँने, देख्दामात्र लाठे बरै ।

बुद्धिभए गर्थेहोला, देश बिकास हुन्थ्यो होला,
हेर्दा मात्र भरोसा लाग्दा, बुद्धि नभा काँठे बरै ।