एनआरएनए अमेरिकाको ओरेगनमा शाखा गठन गरिएको छ । ६ जुलाई शिकागो शहरको शेराटन होटलमा सम्पन्न आठौँ महाधिवेशनले दया शाक्यको अध्यक्षतामा नयाँ कार्यसमिति निर्विरोध निर्वाचित गरेको छ ।
त्यसैगरी उपाध्यक्षमा निरञ्जन श्रेष्ठ, सचिवमा लक्ष्मण दर्लामी, कोषाध्यक्षमा कमल श्रेष्ठ र सदस्यमा अलिसा मिचेल, चन्द्र अम्गाईँ, पदमजंग थापा र सोनाम शेर्पा रहेका छन् । अधिवेशनले दिवाकर महर्जन र नृपेन्द्र धिताललाई सल्लाहकारमा चयन गरेको छ ।
एनआरएनए अमेरिकका नवनिर्वाचित अध्यक्ष सुनिल शाहले नयाँ कार्यसमितिलाई शपथग्रहण गराएका थिए ।
अध्यक्षमा निर्वाचित शाक्यले गत ४ वर्ष देखि एनआरएनए अभियानमा लागेर दुई पटक उपाध्यक्ष कार्यभार सम्हाली आएका थिए । शाक्यले ओरेगनका नेपाली समुदायको निम्ति अनेकौँ कार्ययोजनाहरु तर्जुमा गरी पुरा गर्ने विचार व्यक्त गरेका छन् ।
