जुलाई १२ मा २०५ औं भानु जयन्तीसँगै नवोदित साहित्यिक वाचनालय कतारको एघारौं अधिवेशन सम्पन्न भएको छ । दोहाको शालिमार होटलमा सम्पन्न अधिवेशनले वाचनालयको नयाँ कार्यसमिति चयन गरेको छ ।
जसको अध्यक्षमा दीलिप पराजुली, प्रथम उपाध्यक्षमा चक्र कार्की, द्वितीय उपाध्यक्षमा सन्तोष अधिकारी, मोबाईल पुस्तकालय संयोजकमा रुप रसाइली, महासचिवमा तिलु शर्मा पौडेल, सचिवमा दीप प्रदिप कुमार, कोषाध्यक्षमा शेखर बस्नेत र सहकोषाध्यक्ष महेन्द्र खड्का चयन गरिएका छन् । सदस्यमा नारायण निर्जल, लिलानाथ घिमिरे, अनिल परिवर्तन, सन्ध्या अर्याल, सुरेश परियार आभाष, राम आचार्य शायर र विनोद अधिकारी चयन गरिएका छन् ।
नवोदित साहित्यिक वाचनालय कतारले प्रत्येक दुई बर्षमा प्रदान गर्दै आएको नवोदित कृति अवार्डमा ‘नवोदित कृति अवार्ड २०७६’ Meen Raj Basanta को कृति पिपिरीले प्राप्त गर्न सफल भएको छ ।
