१९ असार । नेपालले मलेसियासँगको दुई अन्तर्राष्ट्रिय टी ट्वान्टी सिरिजको दोस्रो खेलमा पनि जित हासिल गरेको छ ।
आइतबार किनारारा ओभल क्रिकेट मैदानमा भएको दोस्रो खेलमा मलेसियालाई ६ रनले पराजित गर्दै नेपालले जित हात पारेको हो । १ सय ७४ रनको विजयी लक्ष्य पछ्याएको घरेलु टोली मलेसिया २० ओभरमा ७ विकेट गुमाउँदै १ सय ६७ रन मात्र बनाउन सक्यो । नेपालले २ वटा टि–२० अन्तर्राष्ट्रियको सिरिज २–० ले जित्दै इतिहासकै पहिलो टि–२० अन्तर्राष्ट्रिय सिरिज क्लिन स्विप जित हाँसिल गरेको छ। पहिलो खेलमा शनिबार नेपालले मलेसियाविरुद्ध ७ विकेटले सहज जित निकालेको थियो ।
अन्तिम ओभरमा मलेसियालाई ६ बलमा १४ रन आवस्यक थियो। तर अभिनाश बोहोराले स्याहादतलाई रन दिनबाट रोकेका थिए ।
त्यसअघि विकेट कीपर विनोद भण्डारीले विष्फोटक ब्याटिङ गर्दै अर्धशतक प्रहार गरेपछि नेपालले मलेसियालाई दोस्रो अन्तर्राष्ट्रिय टी ट्वान्टी खेलमा १ सय ७४ रनको कीर्तिमानी लक्ष्य दिएको थियो ।
