हामी सबैकाे संसारन्यूज

भारतीय चर्चित अभिनेत्री, गायक तथा सन् २००० की विश्व सुन्दरी प्रियंकाले आज जन्मदिन मनाउदै छन् । सन् १९८२ जुलाई १८ मा जमदेशपुर झारखण्ड भारतमा जन्मिएकी प्रियंकाका जीवनमा धेरैपटक उतार चढाव आए ।

आज ३५ औं जन्म दिन मनाउन लागेकी प्रियंकाले सन् २००२ मा उनले आत्महत्याको प्रयास गरेकी थिइन् । सन् २००० मा मिस वल्र्ड बनेकी प्रियंका त्यतिबेला असिम मर्चेन्ट नामक व्यक्तिसँग प्रेम सम्बन्धमा थिइन् । फिल्म क्षेत्रमा निकै संघर्षको समयमा उनले आत्महत्या गर्नेप्रयास गरेको उनका मेनेजर प्रकाश जाजुले सन् २०१६ मा सामाजिक संजालमा खुलासा गरेका थिए ।

संघर्षका ती दिनमा उनले त्यस्तो प्रयास गरेको भएपनि अहिले उनी खुसी छन् । अमेरिकी चर्चित युवा गायक निक जोनससँग २०१८ नोभेम्बरमा विहे गरेकी प्रियंका अहिले खुसीयाली जीवन बिताइरहेकी छन् । प्रियंका बलिउड फिल्म इण्डष्ट्रिजमा सबैभन्दा बढी शुल्क लिएर काम गर्ने अभिनेत्रीका रुपमा मानिन्छीन् । उनले सर्वश्रेष्ठ अभिनेत्रीको राष्ट्रिय पुरस्कार समेत हासिल गरिसकेकी छन् ।