३ साउन २०७६ शुक्रबारका दिन नेपाली समाज ओमानको अधिवेशनले मा दिलु रोकालाई सर्वसम्मतिले अध्यक्षमा चुनेको छ ।
ओमानमा २००२–२००३ तिर कुनै नेपालीहरुको एक आपसमा सम्पर्क समेत नभएको बेलामा नेपालीलाई एक आपसमा जोडन् र नेपालीका समस्याको समाधान गर्ने र साउदीस्थिति नेपाली दुतावाससँग समन्वय गर्ने ओमानको पहिलो संथा नेपाली समाज ओमानको आठौं अधिवेशन सम्पन्न भएको छ ।
दिलु रोका र तोलाकान्त भट्टराईको संचालन, जीवन कुमार ढुंगानाको अध्यक्षता रहेको सो कार्यक्रमको प्रमुख अतिथिमा नेपाली कुटनैतिक निकायकी श्रम सहचारी कृष्णकुमारी गौली र गैरआवासीय नेपाली संघका सचिब डिबि क्षेत्रीको बिशेष आतिथ्यता रहेको थियोे ।
कार्यक्रममा ओमानमा क्रियाशील रहेका सम्पूर्ण संघसंस्थाका प्रतिनिधिहरु र पत्रकारको उपस्थिति रहेको थियोे ।
नवनिर्वाचित समितिलाई प्रमुख अतिथि नेपाली कुटनैतिक निकायकि श्रम सहचारी कृष्ण कुमारी गौली र गैरआवासीय नेपाली संघका सचिब डिबि क्षेत्रीले सपथ खुवाएका थिए । उल्लेखनीय प्रवाशी श्रमिक दाजुभाइ दिदिबहिनीहरु उपस्थितिले हल रंङीचङ्गी भएको थियो । कार्यक्रमको मिडिया पाटनर प्रबास खबर तथा डिसि नेपाल डट कम रहेका थिए भने अल मधुसी (ओमान फुड स्टफ एल एल सि) को प्रायोजन रहेको थियो । ओमानमा नेपालीहरुलाई आईपर्ने समस्याहरुको समाधानमा निरन्तरता दिईरहने प्रतिबद्धता गर्दै र सम्पूर्ण अतिथि तथा जनसमुदाय लाई धन्यवाद दिदै सभा अध्यक्षले अधिवेशन समापन भएको घोषणा गरेका थिए ।
