३ साउन, काठमाण्डौं । नेपाल कम्युनिष्ट पार्टी (नेकपा) ले ७७ जिल्लाकै ईन्चार्ज र सहइन्चार्जको टुंगो लगाएको छ ।
पार्टीको आईतबार बसेको सचिवालय बैठकले ७७ जिल्लाका इन्चार्ज र सहइन्चार्जको टुंगो लगाएको हो ।
७७ जिल्लाकै इन्चार्ज तोक्ने क्रममा ९ जना महिला पनि इन्चार्जमा परेका छन् ।
नेकपाका अनुसार तेह्रथुममा जयन्ती राई, काठमाण्डौमा सावित्रा भुसाल, दोलखामा देवी खड्का, स्याङजामा पदमा अर्याल, मुस्ताङमा श्रीमाया थकाली, रसुवामा विमला सुवेदी र वाग्लुङमा वलावती शर्मालाई जिल्ला इन्चार्ज तोकिएको छ ।
त्यस्तै ६ वटा महानगर मध्ये ललितपुर महानगरमा सुशीला नेपाल र भरतपुर महानगरमा रेणु दाहालले इन्चार्जको जिम्मेवारी पाएका छन् ।
पार्टीको मंगलबार बस्ने सचिवालयको बैठकले सांगठानिक एकिकरणका बाँकी कामलाई पूर्णता दिन मंगलबार १ बजे बस्ने सचिवालयको बैठकले विभागहरु, आयोगहरु, केन्द्रीय अन्य निकायहरु, प्रवास संगठनहरु एकिकरणको काम टुंगो लगाउने पनि नेकपाका प्रवक्ता नारायणकाजी श्रेष्ठले बताए ।
