हामी सबैकाे संसारन्यूज

६ साउन, काठमाण्डौं । उद्योग तथा वाणिज्य आपूर्ति मन्त्री मातृका यादवले मन्त्रीहरुले नै घुस खुवाउने गरेको अवस्थामा भ्रष्टाचार कसरी रोकिन्छ भनेर प्रश्न गरेका छन् ।

मन्त्री यादवले मन्त्रीहरु, माननीयहरु, नगरप्रमुखहरुले मात्र नभएर सबैले घुस खुवाइरहेकोले यस्तो अवस्थामा कसरी रोकिन्छ भ्रष्टाचार भनेर प्रश्न उठाएका हुन् ।

मन्त्री यादवले कर्मचारीले प्रधानमन्त्रीलाई झुक्याइरहेको÷झुक्याएको बताएका छन् । ‘प्रधानमन्त्रीले पटक–पटक बैठकमा भन्नुहुन्छ–के त्यसै अनुसार कर्मचारी तन्त्र चलेको छ त ? चलेकै छैन । उहाँको निर्देशन त मान्दैनन् भने हाम्रो हालत के हुन्छ होला ?’

मन्त्री यादवले अहिलेको अवस्थामा सचिवहरुले नै उल्टै मन्त्रीलाई चुनौती दिएको बताउँदै आफूले मन्त्रालयमा त्यस्तै भोगेको बताउँछन् । ‘अरु मन्त्रालयमा के छ, थाहा भएन । मेरो मन्त्रालयमा कुन कर्मचारी कसरी आउँछ कसरी जान्छ, मलाई थाहा हँदैन । मैले चाहेको अवस्थामा कर्मचारी ल्याउन पनि सक्तिन् । को आउँछ कसरी आउँछ थाहा पाउँदिनँ । जसले ल्याउँछ उसैप्रति बफादार हुन्छ होला । त्यो म कहाँ पनि आउँदैन,’ सोमबार प्रकाशित नयाँपत्रिका दैनिकसँग मन्त्री यादवले गुनासो गरेका छन्, ‘मतललब, म त्यो कर्मचारी ल्याउने हटाउनेबाट जोडिनै पाउँदिन । मन्त्रीलाई नै टेर्दैनन् , मन्त्री केही जस्तो पनि होइन भन्ने ठान्छन् । मन्त्रीको कुरामा कर्मचारीमा विश्वास नै छैन । कर्मचारी राम्रो काम त गर्दैनन् । बढुवा हुने वेलामा झन मरी गए पनि काम गर्दैनन् । विवादमा परिन्छ भनेर मरी गए कामगर्दैनन् । कति काँतर छन् कर्मचारी, कर्मचारी पैसा खाने कुरामा नगर्ने काम पनि गर्छन् । यस्ता नोकरशाहबाट देशले के पाउने ? के त्यो काम मन्त्रीको हितमा हो ?’