हामी सबैकाे संसारन्यूज

७ साउन, काठमाडौँ । अरुलाई बित्तीय अनुशासनको पाठ सिकाउँदै आएको सरकारबाटै वित्तीय अनुशासन उल्लंघन भएको पाइएको छ । अर्थमन्त्रालयले आर्थिक वर्ष २०७५\७६ को अन्तिममा वित्तीय अनुशासन उल्लंघन गर्दै २२ अर्बभन्दा बढी रुपैयाँ रकमान्तर गरेको छ ।

भइपरी आउने साधारण र विकास बजेट शीर्षकबाट रकमान्तर गरिएको हो । एउटा शीर्षकमा छुट्याइएको रकम अक्र्राे कार्यक्रममा सार्नु बजेट रकमान्तर हो । गत आर्थिक बर्षको अन्तिम असार महिनामा मात्रै २२ अर्ब ३ करोड ३४ लाख रुपैयाँ रकमान्तर गरिएको छ ।

हरेक आर्थिक वर्षको अन्तिममा यसरी नै ठूलो रकम रकमान्तर हुने गरेको छ । सुरुका महिनामा रकम खर्च नगर्ने , तर आर्थिक वर्षको अन्त्यमा बजेट सक्न रकमान्तर गरेर खर्च गर्ने प्रवृत्ति बढ्दै गएको छ । बजेट सक्नहतारमा गरेको कामसमेत गुणस्तरहीन हुँदै आएको छ । विभिन्न मन्त्रालयले सुरुमै रकम मागे पनि बजेट बढी खर्च गरेको देखाउन अर्थमन्त्रालयले आर्थिक वर्षको अन्तिममा मात्र निकासा दिने गरेको पाइएको छ । मंगलबारको राजधानी दैनिकबाट