१२ साउन, काठमाण्डौं । समाजवादी पार्टी नेपालले पार्टीका विभिन्न समितिका प्रमुखहरुको टुंगो लगाएको छ ।
पार्टीका अध्यक्ष उपेन्द्र यादवको अध्यक्षतामा शनिबार बसेको बैठकले बैठकले प्रादेशिक संगठनहरुको समायोजन, कार्य विभाजनलगायतका विषयमा विभिन्न निर्णय लिएको छ ।
पार्टीको प्रदेश समितिहरु समायोजन गर्नका लागि बनेको कार्यदलले हालसम्म समायोजन सम्पन्न गरिसकेको गण्डकी प्रदेश, कर्णाली प्रदेश, सुदूरपश्चिम प्रदेश र प्रदेश नं २ तथा प्रदेश नं ५ को सांगठानिक समायोजनलाई अनुमोदन गर्दै बाँकी रहेका प्रदेश १ र ३ तथा विभिन्न जनसंगठनहरुको पनि आगामी बैठक अगाडि नै समायोजन सम्पन्न गर्नका लागि सम्बन्धीत कार्यदललाई निर्देशन गरेको बताइएको छ ।
सोहि बैठकले पार्टीको अनुशासन समितिको प्रमुखमा महेन्द्र श्रेष्ठ, लेखा समिति प्रमुखमा अमरेशनारायण झा, निर्वाचन समिति प्रमुखमा डा.शीवजी यादव, पार्टी स्कुल तथा प्रशिक्षण विभाग इन्चार्जमा हेमराज राई, सहइन्चार्जमा डमरु बल्लब खतिवडा,राज्य व्यवस्था विभाग प्रमुखमा डा. उमाशंकर साह, संघीय मामिला तथा समावेशी विभाग प्रमुखमा डा.गणेश योञ्जन, स्थानीयतह परिचालन विभाग प्रमुखमा हरिनारायण थारु, प्राकृतिक श्रोत व्यवस्थापन विभाग प्रमुखमा दुर्गामणी देवान, कृषि तथा भूमि व्यवस्था विभाग प्रमुखमा मदन राई, शिक्षा तथा विज्ञान प्रविधि प्रमुखमा डा. राजेन्द्र केसी, स्वास्थ्य तथा जनसंख्या विभाग प्रमुखमा डा महेशमान श्रेष्ठ, श्रम तथा रोजगार विभाग प्रमुखमा प्रेम नारायण थापा, सुरक्षा विभाग प्रमुखमा नारायण राज पाण्डे, मानब अधिकार तथा सामाजिक सेवा विभाग प्रमुखमा सुशीला श्रेष्ठ, किसान इन्चार्जमा टिकाराम पौडेल, युवा इन्चार्जमा देवीप्रसाद सुवेदी, महिला इन्चार्जमा दुर्गा सोव र बौद्धिक पेशाकर्मी इन्चार्जमा नहेन्द्र प्रधान र सहइन्चार्जमा पूर्ण बहादुर बस्नेतलाई चयन गरेको छ ।
