Sansar News
१३ साउन । अमेरिकामा गोलि प्रहारका समाचार नौला होइनन् । सोमबार मात्रै पनि क्यालिफोर्नियामा अन्धाधुन्धा गोली चलेको छ ।
स्थानीय समय अनुसार आइबार ८.३४ बेलुका क्लालिफोर्निया राज्यको गिलरोयमा गार्लिक फेस्टिबल मनाइरहँदा भएको गोल प्रहारमा कम्तीमा ३ जनाको मृत्यु भएको छ भने १५ जना घाइते भएका छन् । त्यसमध्ये १३ जनाको अवस्था गम्भिर रहेको जनाइएको विविसिले समाचारमा जनाएको छ । समाचारमा जनाइए अनुसार एक बन्धुकधारीले गार्लिक फेस्टिबल मनाइरहेकाहरुमाथि अन्धाधुन्ध गोलिप्रहार गरेका थिए ।
ती बन्धुकधारी पनि प्रहरीबाट मारिएको बताइएको छ । एक प्रत्यक्षदर्शीका अनुसार अन्दाजी ३० वर्षका गोरो व्यक्तिले हातमा भएको राइफलबाट जथाभावि फायरिङ्ग गरेका थिए ।
गोलि चल्न थालेपछि सहभागीहरुमा भागदौड मच्चिएको थियो ।
अमेरिकी राष्ट्रपति डोनाल्ड ट्रम्पले घटनापटि टिव्ट गर्दै नागरिकहरुलाई सावधान र सुरक्षित रहन अनुरोध गरेका छन् ।
वि.सं.२०७६ साउन १३ सोमवार ११:४८ मा प्रकाशित
