हामी सबैकाे संसारन्यूज

१३ साउन । आइतबार अष्ट्रेलियाको साउथवेल्समा भएको सडक दुर्घटनामा समिक्षा सुवेदी र गोपाल बुढाथोकीको शवलाई क्यानवेरा अस्पतालमा राखिएको अष्ट्रेलियास्थित नेपाल दूतावासले जनाएको छ । उनीहरुको शवलाई सक्दो छिटो नेपाल पठाउन दूतावासले मृतकका परिवार तथा अष्ट्रेलियाको सरोकार निकायसँग कुराकानी गरिरहेको दूतावासले बताएको छ ।

दूतावासका अनुसार घटनामा परि घाइते भएका तीन मध्ये अश्विनी कंडेल कुमा हस्पतालबाट सामान्य उपचारपछि घर फर्किएका छन् भने सागर भट्टराई र संगिता देवकोटाको क्यानवेरा अस्पतालमा उपचार भैरहेको छ । सागर र संगिताको स्वास्थ्यमा क्रमिक सुधार आई खतरा मुक्त रहेको दूतावासले जनाएको छ ।