हामी सबैकाे संसारन्यूज

१६ साउन । एउटै लिङ्ग बीचको सम्बन्ध नै अनौठो मानिन्छ नै अझ फरक फरक देशका महिला बीचको सम्बन्ध सबैका लागि चासो लाग्नु स्वभाविकै हो । दुई सुन्दर महिला बीचको सम्बन्ध अहिले सामाजिक सञ्जालमा सबैका लागि आकर्षक बनेको छ ।

अमेरिकाको न्यूयोर्कमा रहने अंजली चकरा र सुन्दस मालिक नाम गरेका युवतीको विवाहको फोटोसुट सामाजिक सञ्जाल सञ्जालमा यतिबेला भाइरल बनिरहेको छ । एउटै लिंगका ती दुई युवतीको तस्विर यति सुन्दर छ की उनीहरुको जोडी सबैका लागि अत्यन्त आकर्षक लाग्छ । यिनीहरुले आफ्नो सुन्दरतालाई लिएर फोटो सुट गराएका होइनन्, खास कुरा यिनीहरु दुई फरक फरक देशका युवती हुन् । अंजली चकरा इण्डियन युवती हुन् भने सुन्दस मलिक पाकिस्तानी युवती । त्यत्ति मात्र होइन यी दुईको धर्म पनि फरक छ, एउटा हिन्दु हुन् भने अर्को मुसलमान ।सोसल मिडियामा आएको उनीहरुको फोटोमा धेरैले तारिफ गरिएका छन् ।

उनीहरुको फोटोमा लगातार लाइकर र भिउअर बढीरहेका छन् । फोटोग्राफर सारोवर अहमदले पोष्ट गर्दै ती युवतीहरुलाई एनिभरसरीको शुभकामना दिएका थिए । त्यहि पोष्टलाई शेयर गर्दै अंजलीले सुन्दसलाई लेखेकी छन् ‘हयाप्पी एनिभर्सरी, जो महिला, जसले मलाई माया गर्न र मायालु बन्न सिकाइन् ।’ (एजेन्सी)

Happy anniversary to the girl who taught me how to love & be loved ❤️ pic.twitter.com/zm5sAhqIxP

— Anjali C. (@anj3llyfish) July 31, 2019