१९ साउन, काठमाडौँ । त्रिभुवन विश्वविद्यालयले मानविकी तथा सामाजिकशास्त्र संकायको सबै विषयको कोर्सलाई यसैवर्षदेखि चारवर्षे बनाउने तयारी गरेको छ ।
त्रिवि मानविकी तथा सामाजिकशास्त्र संकायका डिन प्रा. शिलवाल भुसालले यसै शैक्षिक सत्रबाट बिए चारवर्षे हुने बताए । तर ,डिन कार्यालयले चारवर्षे ब्याचलर अफ आर्टस् (बिए) का लागि कोर्स तयार गर्न लगाए पनि अहिले सम्म अधिकांश विषयले सकेका छैनन् ।
विद्या परिषद्ले समेत यसको निर्णय गरिसकेको छैन । डिन भुसालले स्नातक तहमा मानविकी संकायमा ३६ वटा कार्यक्रम लागू भएको र जसमध्ये चार विषयले मात्र कोर्स तयारी गरेको बताए । आइतबारको नयाँ पत्रिकाबाट
