१९ साउन, काठमाडौँ । युनाइटेड इन्स्योरेन्स कम्पनी, नेपाल लिमिटेडले ७२ लाख ५७ हजार ६ सय कित्ता हकप्रद सेयर निष्काशन गर्ने भएको छ ।
कम्पनीले भदौ ३ गतेदेखि असोज ६ गतेसम्म २४० प्रतिशत हकप्रद निष्कासन गर्न लागेको हो । धितोपत्र निष्काशन तथा बिक्री प्रबन्धक रहेको एनएमबी क्यापिटल लिमिटेडका अनुसार उक्त हकप्रद सेयरका लागि १ बराबर २ दशमलव ४ को अनुपातमा आवेदन दिन सकिने छ ।
हकप्रद निष्काशनको लागि कम्पनीले साउन १४ गते एक दिनको लागि बुक क्लोज गरेको छ । साउन १३ गतेसम्म कायम भएका शेयर लगानीधनीले मात्र हकप्रदमा आवेदन दिन सक्ने छन् ।
नेपाल धितोपत्र बोर्डले असार ८ गते कम्पनीलाई हकप्रद शेयर निष्काशनको अनुमति दिएको हो । बिमा समितिले तोकेको १ अर्ब पुंजी पु¥याउन कम्पनीले हकप्रद निष्काशन गर्न लागेको हो ।
हाल कम्पनीको चुक्ता पुंजी ३० करोड २४ लाख रहेकोमा २ सय ४० प्रतिशत हकप्रदपछि कम्पनीको चुक्ता पुंजी १ अर्ब २ करोड ८१ लाख ६० हजार पुग्ने छ ।
