१९ साउन , काठमाडौं । मोबाइल फोनबाट धम्क्याई रकम माग गर्ने उदय गिरीलाई पक्राउ गरिएको छ ।
७५ लाख रुपैयाँ माग गर्ने कार्यमा संलग्न ललितपुर महानगरपालिका– २४ बस्ने ३० वर्षीय गिरीलाई शुक्रबार प्रहरीले पक्राउ गरेको हो ।
विभिन्न समयमा नेपाली तथा भारतीय मोबाइल नम्बरहरू प्रयोग गरी भारतबाट समेत फोन गरी बिभिन्न व्यक्तिहरूलाई धम्क्याई उक्त रकम माग गर्ने कार्यमा संलग्न गिरीलाई महानगरीय अपराध महाशाखा काठमाडौंबाट खटिएको प्रहरीले अनुसन्धानको क्रममा ललितपुर महानगरपालिका– २४ धापाखेलबाट पक्राउ गरेको हो ।
गिरी यसअघि हातहतियार तथा खरखजना मुद्दामा ३ वर्ष जेल भुक्तान गरी छुटेको खुल्न आएको र गिरीमाथि थप अनुसन्धान भइरहेको सो महाशाखाले जनाएको छ ।
