हामी सबैकाे संसारन्यूज

१९ साउन, काठमाण्डौं । अख्तियारद्धारा बिपी कोईराला स्वास्थ्य विज्ञान प्रतिष्ठान धरानका पकुलपति प्रा.डा राजकुमार रौनियारविरुद्ध मुद्धा दायर गरिएको छ ।

अख्तियार दुरुपयोग अनुसन्धान आयोगका अनुसार उपकुलपति प्रा.डा रोनियारलाई १ करोड २८ लाख भ्रष्टाचारको आरोपमा मुद्धा दायर गरिएको हो । आयोगका प्रवक्ता प्रदीप कुमार कोइरालाले जारी गरेको प्रेस विज्ञप्तिमा रौनियारले बिपी कोइराला स्वास्थ्य विज्ञान प्रतिष्ठान धरानको होष्टेल तथा फार्मेसी भवन निर्माणको ठेक्का दिने क्रममा उक्त भ्रष्टाचार गरेको बताइएको छ ।

रौनियारले श्याम सुन्दर निर्माण सेवा प्रा.लि. को सब कन्ट्रयाक्टर गिना कन्स्ट्रक्सन कम्पनी प्रा.लि. का प्रबन्ध निर्देशक सुशिल कुमार झासँग भवन निर्माणको मोबिलाइजेसन रकमको भुक्तानी दिँदा र बिभिन्न मितिमा रनिङ बिलको भुक्तानी दिँदा प्रतिष्ठानका पटक–पटक कमिसन बापत घुस लिएको उजुरी आएपछि छानविन गरेको थियो ।

असार १६ गते रौनियारको बारेमा अडियो भिडियो सहितको उजुरी आयोगमा दर्ता आयोगको टोलीले प्रतिष्ठानका उपकुलपति रौनियार र सोही प्रतिष्ठानमा हाउस अफिसरको रुपमा कार्यरत उनका भतिज डा. रामहरी रौनियारलाई पक्राउ गरेको हो ।

फाईल : फोटो