हामी सबैकाे संसारन्यूज

२० साउन, काठमाडौँ । तिला गाउँपालिकाकी २५ वर्षीय अप्सरा गिरीलाई बिहीबार सुत्केरी व्यथाले च्याप्यो । लगत्तै देवर भरतराजले एम्बुलेन्समा हालेर कर्णाली स्वास्थ्य विज्ञान प्रतिष्ठान पुराए । अप्सराले केही समयमै छोरी जन्माइन् । छोरी जन्मेको खबर दिएर गएकी अस्पतालकी नर्स केही बेरमै फर्केर बिरामी र आफन्तलाई गाली गर्न थालिन् । ‘साढे ६ बजेतिर भाउजू सुत्केरी हुनुभयो,’ भरतराजले भने, ‘सुत्केरीलाई स्याहार गर्नुको सट्टा नर्सहरुले गाली गर्दै उनलाई छुँदै छोएनन् ।’ ओपीडी वार्डमा राखिएकी अप्सरालाई अपशब्द बोल्दै नर्सहरुले हेपाटाइटिस बी रोगको संक्रमण भएर पनि जानकारी नदिएको भन्दै गाली गरे । ‘यति ठूलो रोग ल्याएर हामीलाई सार्न खोज्ने ? यस्ता मान्छे त मरेकै बेस हुन्छ भन्दै नर्सहरुले गाली गरे’ भरतराजले भने,‘वार्ड बिरामी र आफन्तले भरिएको थियो । गाली सुन्दा भाउजूले केही बोल्न सक्नुभएन । घोप्टो परेर राइरहनुभयो । ’सोमबारको अन्नपूर्ण पोस्टबाट