हामी सबैकाे संसारन्यूज

२० साउन । साउदी अरेबियाले एकपछि अर्को गर्दै महिलाका लागि नयाँ कानून जारी गरेको छ । हालै मात्र साउदी सरकारले ल्याएको नयाँ कानुनले कुनै पनि नागरिकलाई राहदानीको लागि आवेदन दिन र स्वतन्त्र यात्रा गर्न अनुमति दिएर महिलालाई अझ बढी स्वतन्त्रता प्रदान गरेको छ ।

लामो समयदेखि चलिरहेको र विवादास्पद अभिभावक नीति (महिलाले यात्रा गर्न वा राहदानी लिन पुरुषको सहमति आवश्यक) को अन्त गरिएको छ । राजा सलमान र उनको मन्त्रिपरिषद्ले अनुमोदन गरेका परिवर्तनले २१ र सोभन्दा माथि उमेरका कुनै पनि व्यक्तिलाई बिना सहमति र विदेशमा यात्रा गर्न अनुमति दिन्छ र कुनै पनि नागरिकले साउदी पासपोर्टको लागि आफैंमा आवेदन दिन सक्छ ।

यसबारे साउदी सरकारको आधिकारिक साप्ताहिक गजटमा शुक्रबार बिहान प्रकाशित गरिएको थियो । नयाँ काुननले महिलालाई विवाह, तलाक वा बच्चाको जन्म दर्ता गर्न र आधिकारिक पारिवारिक कागजात जारी गर्न अनुमति पनि दिन्छ । यो परिवर्तनलाई लिएर साउदी नागरिकहरुले सामाजिक सञ्जाल ट्विटरमार्फत खुशी प्रकट गरेका छन्, तर केही रूढीवादीहरूले भने सरकारको यो निर्णयको आलोचना पनि गरेका छन् ।(एजेन्सी)