Sansar News
२२ साउन, काठमाडौँ । सन्राइज बैंकले झापाको हलदीबारीमा शाखारहित बैंकिङ सेवा सुरु गरेको छ ।
बैंकले विभिन्न स्थानमा बैंकिङ सेवा पुराउँदै जाने उद्देश्यका साथ झापा जिल्लाको हलदीबारी गाउँपालिकाको वडा नं १ मा ३८ औं शाखारहित बैंकिङ सेवाको सुरुवात गरेको हो ।
गाउँपालिकाको अध्यक्ष, रबिन्द्र लिङ्घदेन र बैंकको प्रादेशिक कार्यालय १ प्रमुख विवेक कुमार निरौलाले एक समारोहका बीच हलदीबारीमा शाखारहित बैंकिङ्ग सेवाको उद्घाटन गरे ।
मंगलबार आयोजित कार्यक्रममा हलदीबारी गाउँपालिकाको अध्यक्ष लिङ्घदेनले शाखारहित बैंकिङ्ग सेवाको प्रतिनिधि सर्बधन तामाङ्घलाई पोइन्ट अफ सेल मेसिन हस्तान्तरण गरेका हुन् ।
योसँगै हालसम्म सन्राइज बैंकको ११५ वटा शाखा, ३८ वटा शाखारहित बैंकिङ्ग सेवा, ५ वटा एक्सटेन्सन काउण्टर र १३३ वटा ए.टि.एम मार्फत आफ्ना ५ लाखभन्दा बढी ग्राहकहरुलाई सेवा प्रदान गर्दै आइरहेको बताइएको छ ।
साथै बैंकले आफ्ना सेवाहरु विस्तार गर्ने क्रममा, नेपालका अन्य स्थानहरुमा पनि थप शाखाहरु संचालन गर्ने योजना रहेको पनि विज्ञप्तीमा जनाइएको छ ।
वि.सं.२०७६ साउन २२ बुधवार १०:५८ मा प्रकाशित
