Sansar News
२२ साउन, महोत्तरी । मटिहानीमा ८ मा लुकाई छिपाई राखेको मरिच प्रहरीले बरामद गरेको छ
।
मटिहानी नगरपालिका ८ स्थित घरहरूमा लुकाईछिपाई राखेको करिब ५ लाख ७० हजार रुपैयाँ बराबरको ३८ बोरा मरिच मंगलबार राति प्रहरीले बरामद गरेको हो।
विशेष सूचनाको आधारमा जिल्ला प्रहरी कार्यालयबाट खटिएको प्रहरीले रहिम लहेरी, बस्ने जवार दर्जी र हकिम दर्जी समेत ३ जनाको घरमा उक्त मरिच फेला पारी बरामद गरेको हो । हाल उनीहरू फरार रहेकोले प्रहरीले खोजी गरिरहेको छ ।
यस सम्बन्धमा प्रहरीले थप अनुसन्धान गरिरहेको बताइएको छ ।
वि.सं.२०७६ साउन २२ बुधवार १४:२३ मा प्रकाशित
