Sansar News
२३ साउन, काठमाडौं । सन्राइज बैंकले ललितपुरको कुपण्डोलमा शाखा विस्तर गरेको छ ।
आफ्ना ग्राहकलाई सेवा सुविधा उपलब्ध गराउने उद्देश्यले बैंकले देशका विभिन्न भागमा शाखा सञ्चालन गर्दै आइरहेको अवस्थामा बैंकलेकुपण्डोलमा ११७ औं शाखा संचालनमा ल्याएको हो ।
बिहिबार आयोजित औपचारिक कार्यक्रमा ललितपुर महानगरपालिकाका मेयर चिरीबाबु महर्जन र सन्राइज बैंकका संचालक समितिका सदस्य बच्छराज तातेडले संयुक्त रुपमा शाखा कार्यालय र ए. टि. एम. को उद्घाटन गरे ।
उक्त कार्यक्रममा संचालक समितिका सदस्यहरु शारदा शर्मा पुडासैनी, ओम कृष्ण जोशी तथा सन्राइज बैंक लिमिटेडका प्रमुख कार्यकारी अधिकृत जनक शर्मा पौड्यालका साथै बैंकका अन्य पदाधिकारीहरmको पनि उपस्थिति रहेको थियो ।
कुुपण्डोलसहित बैंकको शाखा ११७ वटा , ३८ वटा शाखारहित बैंकिङ्ग सेवा, ५ वटा एक्सटेन्सन काउण्टर र १३५ वटा ए.टि.एम मार्फत आफ्ना ५ लाखभन्दा बढी ग्राहकहरुलाई सेवा प्रदान गर्दै आइरहेको छ ।
साथै बैंकले आफ्ना सेवाहरु विस्तार गर्ने क्रममा, नेपालका अन्य स्थानहरुमा पनि थप शाखाहरु संचालन गर्ने योजना रहेको बताएको छ ।
वि.सं.२०७६ साउन २३ बिहीवार १५:१९ मा प्रकाशित
