हामी सबैकाे संसारन्यूज

२६ साउन काठमाडौँ । इस्लाम धर्माबलम्बीहरुको महान चाड इद –ऊल अजाह (बकर इद)को अवसरमा प्रदेश नम्बर २ र प्रदेश ५ ले सार्वजनिक बिदा दिएका छन् ।

प्रदेश २ का मुख्यमन्त्री लालबाबु राउतले सम्पूर्ण इस्लाम धर्मावलम्बीहरुमा बकर इदको शुभकामना दिँदै प्रदेश सरकारले साउन २७ गते सार्वजनिक बिदा दिने निर्णय गरेको सार्वजनिक सूचना जारी गरेका छन् ।

यस महान पर्वले प्रदेश नं २ का साथै मुलुकमा भाइचारा, सुख र शान्तिको अभिवृद्धि होस् भन्ने कामना गर्दै मुख्यमन्त्री राउतले इद ऊल अजहा हर्षोल्लासका साथ मनाउन आग्रह गरेका छन् ।

यसैगरी प्रदेश ५ ले पनि सार्वजनिक विदा दिएको छ । संघीय सरकारले तोके बाहेक प्रदेश पाँचले बकर इदसहित माघी र माघे संक्रान्तिमा (दुई दिन) तथा प्रदेश स्थापना दिवसमा फागुन ३ गते पनि सार्वजनिक विदा दिने निर्णय गरेको छ । बकर इद बिदा सम्बन्धी निर्णय प्रदेश राजपत्रमा बैशाख १२ गते नै प्रकाशित छ ।