Sansar News
२८ साउन, काठमाडौँ । जापानले नर्सिङ कियर गिभरमा जाने कामदारका लागि भाषा र सीप परीक्षण गर्ने मिति टुंगो लगाएको छ ।
कात्तिक १० र ११ मा भाषा परीक्षा र कात्तिककै १९ र २० गते सीप परीक्षण गरिने यसमा पुरुष र महिला दुवै सहभागी हुन पाउँनेछन् ।
भाषा र सीप परीक्षण गर्न जापानबाटै टोली आउने श्रम, रोजगार तथा सामाजिक सुरक्षा मन्त्रालयले जानकारी दिएको छ ।
नर्सिङ कियर गिभरमा जाने कामदार जापानको सामान्य भाषा र पेसागत भाषामा उत्तीर्ण गरेपछी मात्रै सीप परीक्षणमा सहभागी हुन पाउनेछन् ।
‘ जापानले यसका लागि कुनै विषयमा प्रमाणपत्र वा तालिमको प्रमाणपत्र पेस गर्नु नपर्ने बताएको छ । भाषा परीक्षा र सीप परीक्षणमा पास भए मात्र पुग्छ । ,’ श्रमका एक अधिकारीले भने ।
जापानले नेपालबाट १४ वटा क्षेत्रमा दक्ष(अदक्ष) कामदार लैजाने सहमति गरे पनि पहिलो वर्ष नर्सिङ कियर गिभरको क्षेत्र छानेको हो । उसले ५ वर्षभित्र नर्सिङ क्षेत्रमा ६० हजार विदेशी कामदार लैजाने भएको छ । मंगलबारको कान्तिपुर दैनिकबाट
वि.सं.२०७६ साउन २८ मंगलवार ०८:१५ मा प्रकाशित
