हामी सबैकाे संसारन्यूज

२८ साउन,चितवन । प्रहरी साझेदारी अन्तर्गत लागूपदार्थ दूर्व्यसनी रोकथाम तथा ट्राफिक सचेतना कार्यक्रम चितवनमा सम्पन्न भएको छ ।

अन्तर्राष्ट्रिय युवा दिवसको अवसरमा समुदायप्रहरी साझेदारी अन्तर्गत भरतपुर महानगरपालिका ४ स्थित सनराईज इङ्लिस स्कुलमा लागूपदार्थ दूर्व्यसनी रोकथाम तथा ट्राफिक सचेतना कार्यक्रम सोमबार दिउँसो सम्पन्न भएको हो ।

वडा अध्यक्ष हरी प्रसाद आचार्यको प्रमुख आतिथ्यमा सम्पन्न भएको उक्त कार्यक्रममा सोही विद्यालय र विद्यालयहरुमा अध्ययनरत विद्यार्थीहरुलाई लागूऔषध दूर्व्यसन, यसका असर तथा रोकथामका उपायहरू तथा सडक सुरक्षा सचेतना प्रशिक्षण प्रदान गरिएको थियो ।

जिल्ला प्रहरी कार्यालय चितवन, विद्यालय सम्पर्क समिति, वडा समिति भरतपुर महानगरपालिका- ४ तथा साझेदार स्थानीय क्लब भरतपुर ४ को सहकार्यमा सम्पन्न भएको उक्त कार्यक्रममा सामुदायिक सेवा केन्द्र नारायणगढ अध्यक्ष तथा वरिष्ठ महिला अधिकारकर्मी मिना खरेल, विद्यालय व्यवस्थापन समिति, स्थानीय युवा क्लबका प्रतिनिधि र विद्यार्थीहरूको उपस्थिति रहेको थियो ।