हामी सबैकाे संसारन्यूज

२९ साउन, काठमाडौँ । जापानका राजदूत मासामिची साइगोले नेपालमा ठूला लगानी र आर्थिक एवम् प्राविधिक सहयोग गर्न जापान तत्पर रहेको बताएका छन् ।

जापानी लगानी भित्रयाउन नेपालको भौतिक पूर्वधारमा सूधार आवश्यक रहेको उनको भनाइ छ ।
उनले पूर्वाधार, विद्युत्, सुरुङमार्ग, नागरिक उड्डयन, कृषि र पर्यटन क्षेत्रमा सहकार्य गर्न जापान तयार रहेको बताए । साइगोले भने,

‘पूर्वधार सुधार गर्ने हो भने जापानका उद्योगपति नेपालमा ओइरिन सक्छन् ।’ अन्नपूर्ण मिडिया नेटवर्कको कर्पाेरेट टावरस्थित न्युज रूम अवलोकनका क्रममा मंगलबार राजदूत साइगोले भने, ‘नेपालमा विकासै विकासको सम्भावना छ । हामी पनि सहयोग र लगानी गर्न तयार छौं ।’

‘सुन्दर मुलुक नेपालमा जापान सबै खालको सहकार्य गर्न तयार छ,’ राजदूत साइगोले भने,‘तर हरियाली डाँडा र खेतमा धानको बालाको सट्टा कंक्रिटका ठूला भवन ठडिएका छन् ।त्यसैले मात्र परिवर्तन हुँदैन । मुलुकलाई सबल नीतिले अगाडि बढाउनुपर्छ ।’ बुधबारको अन्नपूर्ण पोस्टबाट