हामी सबैकाे संसारन्यूज

२९ साउन । मलेसियामा भिषा नभएका वा भिषाको अवधि सकिएकाहरुलाई मलेसियन सरकारले दिएको आममाफीको अवसरको सदुपयोग गर्दै नेपालीहरु फर्कने क्रम सुरु भएको छ । मंगलबार मात्र २० जना फर्किएकोमा बुधबार २९ जना नेपाली नेपाल फिर्ता गरिएको मलेसियाबाट संचारकर्मी रवि भट्टले बताए । सेरेम्बान अध्यागमनमा नेपाली राजदुतावासले हरेक दिन निःशुल्क उपलब्ध गराउदै आएको सवारी साधनबाट उनीहरुलाई एयरपोर्टसम्म पु¥याउँदै आएको छ ।

दूतावासले आममाफीबाट स्वदेश फर्कन चाहनेहरुले ७०० जरिवाना १६० राजस्व र टिकट लिएर सिधा दूतावासमा आउन आग्रह गरेपनि मान्छेहरु १८०० देखि २२०० आरएम तिरिरहेको प्रमाण फेला परेको संचारकर्मी रवि भट्टले बताएका छन् ।

मलेसियन सरकारले अगष्ट १ देखि ३१ डिसेम्बर २०१९ सम्म ५ महिनाको लागि आममाफी कार्यक्रम सुरु गरेको छ । सो अवधिमा पनि नफर्कि गैरकाुननूी रुपमा बसिरहनेहरुमाथि कडा कार्वाही गरिने बताइएको छ । मलेसियास्थित नेपाली दूतावासले गैरकानुनी रुपमा रहेका आफ्ना नागरिकलाई मलेसिया सरकारले दिएको आममाफीको अवसरको सदुपयोग गर्दै स्वदेश फर्कन आग्रह गरिरहेको छ।