Sansar News
३० साउन, काठमाडौँ । नेकपा वरिष्ठ नेता तथा पूर्वप्रधानमन्त्री माधवकुमार नेपालले परराष्ट्र मन्त्रालयका कर्मचारीले पुराना सन्धि, सम्झौता लगायत महत्वपूर्ण कागजात लुकाएको आरोप लगाउँदै सबै कर्मचारीमाथि निगरानी राख्नुपर्ने बताएका छन् ।
प्रतिनिधिसभाको अन्तराष्ट्रिय सम्बन्ध समितिमा पूर्वप्रधानमन्त्री नेपालले कर्मचारीहरुले अरू कसैको रकम खाएर कागजात लुकाएको आरोप लगाए र समितिले बुधबार ‘बाँकेको सीमा डुबान समस्या’ बारे छलफल गरेको गरेको थियो । त्यहाँ उनले कागजात लुकाएर राष्ट्रघात गरेको बताए ।
‘राष्ट्रसंघका, महासभा र सन्धिहरुलगायत पुराना कागजात छन् कि छैनन् ?,’ नेपालले भने,‘अरुले खुला गर्छन्, हामी भने लुकाएर राख्छौं । त्यो लुकाउनुपर्ने कुनै कारण छैन । ’ सन् १८१४–१६ को युद्धपछि तत्कालीन इष्ट इन्डिया कम्पनीसँग गरेको सुगौली सन्धि, सन् १९५० मा भारतसँग भएको शान्ति तथा मैत्री सन्धिको सक्कल सम्झौतासमेत अहिलेसम्म फेला पर्न नसकेको उनले बताए । बिहीबारको कान्तिपुर दैनिकबाट
वि.सं.२०७६ साउन ३० बिहीवार ०८:०८ मा प्रकाशित
