हामी सबैकाे संसारन्यूज

३ भाद्र, न्यूयोर्क । गत अगस्त १७ शनिबारका दिन बिश्व कै सम्राट राज्य न्युयोर्कमा पहिलो पटक आयोजना गरिएको गाईजात्रा तथा हास्यव्यंग महोत्सव ऐतिहासिक रुपमा सम्पन्न भएको छ ।
अमेरिकाको न्यूयोर्क तथा छिमेकी राज्यमा रहेका कलाकारहरुद्वारा प्रस्तुत गरिएको उक्त कार्यक्रममा नेपाली समुदायको ठूलो भिड रहेको थियो । पहिलो पटक र फरक शैलीमा भएको उक्त कार्यक्रममा दर्शकहरुको उत्सुकता बढेको कारण कार्यक्रम हुनु भन्दा २ साता अघि नै टिकट बिक्री भइसकेको थियो ।

अभियानको रुपमा आयोजना गरिएको उक्त कार्यक्रममा विभिन्न कलाकारहरुले कार्यक्रममा मनोरञ्ंजनको साथसाथै सचेतनामुलक प्रस्तुतिहरु दिएका थिए । टुटुल्को डटकमको परिकल्पनामा आयोजना भएको गाईजात्रा हास्यब्यंग्य महोत्सव अमेरिका २०१९ लाई समुदायको साथ सदभाव र समर्थन रहेको पाईयो ।
समाजका बिकृति विसंगतिहरुलाई व्यंगात्मक रुपमा प्रस्तुत गर्ने उद्धेश्यले न्यूयोर्कको नर्दर्न ब्लुभार्ड स्थित क्विन्स पब्लिक लाईब्रेरीमा आयोजना गरिएको कार्यक्रम टुटुल्को डटकमका प्रधान सम्पादक ज्योतिकुमार श्रेष्ठस सम्प्रेषणका निर्माता प्रस्तोता संचारकर्मी शैलेश श्रेष्ठ र ईनेप्लिज डटकमका आवासिय सम्पादक सच्ची मैनालीले उद्घोषण एवं संचालन गरेका थिए ।