८ भदौ, काठमाडौँ । पत्रकार शालिकराम पुडासैनीको आत्महत्या प्रकरणमा चितवन प्रहरीको हिरासतमा रहेका सञ्चारकर्मी रवि लामिछानेलाई प्रहरीले आज अदालतमा पेस गर्दैछ ।
लामीछानेलाइ साउन ३० गते बिहीबार प्रहरीले पक्राउ गरेको थियो । अदालतले भदौ ३ गते अनुसन्धानको लागि ५ दिन म्याद थप गरेको थियो । त्यो म्याद आज सकिदैँ छ ।
लामिछानेलाई शालिकराम पुडासैनीको आत्महत्या प्रकरणमा अनुसन्धान गर्न प्रहरीले गत बिहीबार नियन्त्रणमा लिएर चितवन लगेको थियो । चितवन लगेको भोलिपल्ट शुक्रबार लामिछानेलाई अदालतमा पेश गरिएको थियो । सोही क्रममै प्रहरीले पाँच दिनको म्याद लिएको थियो ।
आज मध्यान्ह चितवन प्रहरीले लामिछानेलाइ अदालत पेस गर्ने भएको छ । प्रहरीले अनुसन्धान नसकिएकोले अदालतसँग म्याद थपकालागि अनुरोध गर्ने जनाएको छ । पत्रकार पुडासैनीकी श्रीमतीका अधिबक्ता स्वागत नेपालले अनुसन्धान नसकिएकोले लामिछानेलाई थुनामा राखेर अनुसन्धान गर्न खोज्नु प्रहरीको न्यायायीक आग्रह भएको बताएका छन् ।
अधिबक्ता टिका कुँवर पनि पुडासैनीे प्रकरणमा लामिछानेलाई केहि समय प्रहरी नियन्त्रणमा राखेर अनुसन्धान गर्नुु पर्ने बताउँछन् ।
वि.सं.२०७६ भदौ ८ आइतवार १२:२३ मा प्रकाशित
