Sansar News
८ भाद्र, काठमाडौँ । उडीरहेको जहाज भित्र चोरी गर्ने दुई चिनियाँ नागरिकलाई शनिबार बिहान प्रहरीले पक्राउ गरेको छ ।
टर्किस एयरलाईन्सबाट बुधबार काठमाडौं आएकी डेनमार्क नागरिकको जहाजभित्रै सुन र नगद चोरी भएको खबर प्राप्त हुनासाथ प्रहरीले जाँच गर्ने क्रममा शनिबार बिहान टर्किस एयरलाईन्सबाट स्तानबल तर्फ जान लागेका उनीहरुलाई सुनका बाला २ थान र विभिन्न देशका मुद्रा सहित फेला पारी पक्राउ गरेको हो ।
यस सम्बन्धमा प्रहरी वृत्त गौशालाबाट उनीहरुलाई थप अनुसन्धान भइरहेको महानगरीय प्रहरी कार्यालयले जनाएको छ ।
वि.सं.२०७६ भदौ ८ आइतवार १६:०९ मा प्रकाशित
