८ भदौ, काठमाण्डौं । पत्रकार शालिकराम पुडासैनी आत्महत्या प्रकरणमा चितवन प्रहरीको हिरासतमा रहेका रवि लामिछानेलाई भेट्न तथा निष्पक्ष छानविनको खबरदारी गर्न नायिका स्वेता खड्का चितवन पुगेकी छन् ।
संचारकर्मी रवि लामिछानेलाई पुडाशैनीको आत्महत्या प्रकरणमा आत्महत्या गर्न दुरुत्साहन गरेको आरोपमा गत साउन ३० गते हिरासतमा लिइएको थियो ।
चलचित्र संघकी पूर्वअध्यक्ष समेत रहेकी रवि पत्नी निकितालाई ढाडस दिन र रविमाथि निष्पक्ष छानविन हुनुपर्छ भनेर खबर दारी गर्न आफू चितवन पुगेको स्वेता खड्काले सामाजिक संजालमा लेखेकी छन् ।
के लेखेकी छन् त स्वेताले ?
यतिखेर चितवनमा छु । निकिता दिज्युलाई ढाडस दिनु र निस्पक्ष छनविनको लागि खबरदारी गर्नुलाई मैले आफ्नो कर्तब्य ठानेकीछु । अनुसन्धानमा खटिनु भएका अधिकारीहरुले मृतक सालीकराम पुडासैनीको बारेमा नयाँ तथ्यहरु पत्ता लगाउदै जानु (जुन कान्तिपुर दैनिक र सोसियल मिडियाहरुको प्रकाशनमा आईरहेकाछन) ले पनि रवी दाई निर्दोश सावित हुनेमा ढुक्क भएका छौ । अदालत अगाडि भेला भएका हजारौ जनसागरको आँखामा पनि मैले त्यही आशा देखेको छु । टण्टलापुर घाम र अखण्ड गर्मीका बावजुद पनि रवी दाईको लागि सुवेक्षा, आशिर्वाद र प्रार्थना गरिरहेका मानवसागरले यतिखेर कुनै उग्र राजनैतीक नारा लगाएका छैनन् नत सरकार बिरोधी चर्का स्वरहरुनै निकालेका छन । हातमा चन्द्र सुर्य राष्ट्रिय झन्डा बोकेका हजारौ राष्ट्रप्रेमीहरुको आँखामा निस्पक्ष छानविन नहुने हो कि ? पैसा र पावरको पैतालाले ’न्याय’ कुल्चने हो कि ? भन्ने शंका भने प्रस्टै देखिन्छ । आमजनताको आँखामा देखिएको शंकाको को कालो पर्दालाई च्यातेर वास्तविकदृश्य देखाउनमा हाम्रो न्यायलय सफल हुनेछ भन्ने आशा र विश्वाश लिएका छौ ।’
वि.सं.२०७६ भदौ ८ आइतवार १७:३४ मा प्रकाशित
