हामी सबैकाे संसारन्यूज

९ भदौ, काठमाण्डौं । नेपालमा हरेक दिन १५ नेपालीले आत्महत्या गर्ने गरेको तथ्यांक सार्वजनिक भएको छ ।

नेपाल प्रहरीको तथ्यांक अनुसार गत आर्थिक वर्षमा देशभर ५ हजार सातसय ८५ जनाले आत्महत्या गरेका थिए । जसमा आत्महत्या दुरुत्साहन सम्बन्धी एक सय ३३ वटा मुद्दा दर्ता भएको थियो ।

यसअघि एक सय ३१ वटा मुद्दा अदालतमा दर्ता भइसकेको थियो । आइतबार संचारकर्मी रवि लामिछानेसहित तीनजना विरुद्ध दायर भएको मुद्दा १३२ औं हो । अर्को एक मुद्दा महानगरीय प्रहरी परिसर ललितपुरमा अनुसन्धानको क्रममा रहेको छ ।

प्रहरीका अनुसार यस अबधिमा सबैभन्दा धेरै सुदूरपश्चिम प्रदेशमा आत्महत्या दुरुत्साहनका ३६ वटा मुद्दा दायर भएका छन् । कैलालीमा मात्र १३ मुद्दा दायर भएका छन् । कन्चनपुरमा ११ तथा बाजुरामा चारवटा आत्महत्या दुरुत्साहनका मुद्दा चलाईएको प्रहरीले जनाएको सोमबारको नयाँपत्रिका दैनिकमा समाचार छ ।

त्यस्तै प्रदेश ५ मा २५, प्रदेश १ मा २५, प्रदेश ३ मा १६, प्रदेश २ मा १२, गण्डकी प्रदेशमा पाँचवटा मुद्दा दायर भएका छन् । उपत्यकामा ११ वटा यस्ता मुद्दा दर्ता भएका छन् ।